H & M 親民婚紗

Text ｜ Candy Choy

結婚係女人人生大事，淨係揀婚紗、影pre-wedding相都有排煩，不過依家愈來愈多人一切從簡，尤其係影結婚相，最緊要影得靚、影得型，講真套婚紗、晚裝都係著一次，好多人都開始情願上淘寶揀。老老實實淘寶真係睇你識唔識淘，有人淘完返黎似娘爆金都，都有人搵到靚嘢，想搵啲有信心保證嘅，除咗之前ASOS嘅Bridal系列，最近又有親民品牌加入，H&M正準備喺4月7日全球推出Conscious Exclusive 系列，成個系列有十幾廿款，系列中唔少款式更似足時尚婚紗、晚裝，原來H &M 同巴黎羅浮宮裝飾藝術館合作，所以系列有唔少圖案都係源自藝術雕塑或是名畫。咁有藝術感嘅婚紗系列，仲要用唔少環保物料製成，好似有機絲、再造玻璃珠飾、再造麻布同用remake的牛仔布製成的Denimite，又環保又時尚，價錢約$200至$2,000，幫埋未來老公慳錢，抵錫！