2020日本髮色新潮流「透明感」超人氣！必試透明感ｘ層次感Two Tone

Jun 11 2020

（Presented by Liese）

又到夏天想染髮轉換新形象！睇過日本各大美妝髮型平台，唔少日本雜誌model、KOL、髮型師同Salon嘅IG，不難發現2020年日本女生髮色潮流，非「透明感」莫屬！原來日本人口中嘅透明感係指好髮色自然透光，睇落輕柔而帶霧面質感，大大提升氣質！日本女生好追求髮色嘅質感，如果係好實色嘅髮色就做唔到喺唔同光暗之下自然轉變，所以除咗追求透明感，日本髮色潮流已經演變到「透明感ｘ層次感Two Tone」，今年最流行嘅一定係光影變幻嘅髮色！喺光嘅環境下，髮絲充滿透明感，到喺暗嘅時間髮色要層次分明，咁先至有質感！而最能夠突顯出光影Two-tone變幻嘅灰冷色調髮色，自然成為今季大熱！即刻睇吓美編以下推介啦！

光影變幻玩Two-Tone！熱捧三大灰冷色調髮色

Two-Tone髮色非常強調髮絲喺唔同光線下嘅層次變化，所以有灰冷色元素嘅冰感桃紅、香檳紫、霧感森綠，就成為今年備受日本女性熱捧嘅染髮色調！唔單止視覺上予人感覺清新輕爽，望落仲好似剛做完Hair Gloss或Hair Glazes咁有光澤。當有陽光照射時髮絲會呈現強烈嘅透明感，而喺較暗嘅地方就會出現較Matt嘅層次感。另一優點無論任何長度嘅髮型，都可以輕易染出層次感，相比起深色系髮色，更容易塑造出日系髮型向來強調嘅豐富質感。

長期大熱！率性霧感森綠色

霧感森綠髮色係近年日本髮色潮流嘅大熱，吸引追求自然又想為髮絲營造霧面效果嘅女生。霧感森綠髮色突顯女生率性自然，別具柔美嘅氣質，無論長髮定短髮都適合！當喺有陽光嘅環境下，霧感森綠色嘅Two-Tone髮色會透現通透感同空氣感；而喺較暗嘅環境下，髮色就會產生較深色紮實嘅層次感。想喺髮型上改變一吓，令髮色效果更明顯，可以借留海、髮鬢修飾面型，或者吹頭髮時逆分界吹，就可以增加頭髮蓬鬆空氣感，令髮絲隨住光影變幻轉換髮色效果更加明顯！

今季熱捧！睿冷冰感桃紅色

至於加入咗灰冷色調嘅冰感桃紅髮色，唔再係一般粉紅色調咁只適合可愛型嘅女生，霧灰嘅層次令髮色少女得嚟多咗一種睿冷型格嘅味道，好襯型格風，而且霧灰嘅冰感桃紅色仲會令頭髮望落去層次感多咗，更會喺唔同光線底下睇到髮色嘅轉變，令髮型變得更加立體，營造透明感ｘ層次感Two Tone！當喺有陽光嘅環境下，髮絲會呈現一種通透閃爍感；而喺較暗嘅環境下，髮絲暗暗地又變成另一種質感。女生搭配桃紅髮色既可以擁有少女嘅感覺，又同時散發型格個性氣質～～

日本大人氣霧冷系光影Two Tone髮色登陸香港！輕鬆DIY透明感ｘ層次感Two Tone髮色

睇完日本嘅髮型髮色新Trend，心郁郁想染番一個Two-Tone Color，近排又多咗喺屋企，一於就試試Liese新出嘅光影變幻Two Tone Color系列啦！Liese作為日本時尚髮色No. 1品牌，一早已經捉緊「透明感」、「光影變幻Two Tone」呢幾個2020年髮色潮流大勢，設計出高漂色度及灰藍色調染料配方，等大家喺屋企使用泡泡染髮劑，就可以輕鬆染出透明感、光影變幻Two Tone髮色，真係超級方便呀！品牌3款全新髮色，仲係近年日本最大人氣嘅色調：型格嘅「冰感桃紅色」、充滿氣質嘅「香檳紫色」，同埋自然嘅「霧感森綠色」！難怪Liese新出三隻髮色3月日本開賣時，已經成為日本藥妝店人氣熱賣商品！而家已經登陸香港，大家可以叫埋Sis入貨啦！