入手秋冬時尚鞋履！精選 3款必買 ITTITUD＼ 2018系列

秋冬轉季，唔少年輕女生都會換上比較深色嘅服飾，而一對用色大膽鮮明嘅鞋履正正可以令穿搭更突出，變得更有個性。而今次介紹嘅 i.t SHOES 全新品牌 – ITTITUD\ 正正是今季時尚嘅代表，好容易就可以穿出歐美街頭風格。

i.t SHOES 全新品牌 ITTITUD\ 登場

要著出「最自己」嘅造型，一件風格強烈，富歐美街頭氣派嘅型格單品係絕對唔少得！i.t SHOES 今季全新推出嘅品牌 ITTITUD\ 以「LIVING LOUD」為設計宗旨，利用咗每一季最炙手可熱嘅元素融合喺鞋履同手袋設計入面，以大膽鮮明嘅用色，演繹出獨一無二嘅個性。

穿搭本來就唔應該局限自己，只要揀到一件啱嘅單品就能夠發掘出自己獨特多變嘅一面，而一對毛毛搭帶高踭鞋就可以著出 “IT IS MY ATTITUDE” 嘅個人風格！黑色尖頭嘅高跟鞋，中間加上一圈厚厚嘅藍色或紅色毛毛，盡顯平凡中嘅不平凡。簡單嘅毛毛配飾就好似高貴華麗嘅頸巾一樣，奢華感 level up！

ITTITUD\ 2018秋冬系列用上大膽鮮明嘅顏色設計，就好似呢隻拼色平底鞋，以藍拼橙色、黑拼桃紅色同銀拼黃色設計而成，配埋深色衫即刻sharp晒，再拎住個透明袋配鮮色毛毛袋，個性出晒嚟！

襯衫要講求創新，著起呢對潛水料高踭短靴配上印有「LIVING LOUD」字母嘅可拆式橡筋帶就更加突顯自己獨立前衛嘅一面。大膽嘅紅色同藍色用喺潛水料上非常鮮明，亦係本季嘅時尚指標，加埋statement橡筋帶嘅點綴，更顯出女性嘅剛強自信，塑造出與別不同嘅個人特色。

想喺今個秋冬季以鞋履同手袋襯出多個時尚個性造型？更多款式即睇：Landing URL