旅遊與時裝結合！ 王君馨示範 8大 alice + olivia 春天個性穿搭

Photo: Ricky Lo
Creative direction & styling: Anson Lau
Hair: Jamie Lee
Makeup: Stephen Lau
春天呢個百花盛放嘅季節，自然心思思想去旅遊，睇風景之餘，感受各地文化。有無諗過，簡單嘅穿搭都可以盡顯旅遊風情，感受如同去咗外國嘅渡假心情！設計靈感來自世界各地文化，結合不同國家嘅特色印花、圖案同色調，將各地文化帶到時裝嘅世界。一齊睇睇王君馨如何以穿搭帶大家遊世界！

繽紛色調連繫世界

春天畀人嘅感受好有活力，所以穿搭都會比秋冬更多姿多彩，而今季就流行 80年代嘅運動服同相對誇張嘅風格。艷麗彩虹色調、鮮明印花同霓虹黃調，就充分展現時尚同春天嘅活力。

1. 浪漫與時尚結合 – 巴黎

講到環遊世界，一定唔少得時尚之都 – 巴黎。霓虹色小背心，配上印有巴黎城市景致嘅半截裙，就好似參加緊舞會一樣，令王君馨散發出不經意嘅法式氣質。

另一套以經典法式布料縫製而成嘅雙面棒球外套，搭配拼布印花半截裙，不規則嘅裙襬，春風輕拂下，時尚又浪漫。

2.鄉土風情與剛強對抗 – 普羅旺斯

下一站到達法國南部嘅海岸，純白布料同瓷磚印花都充滿普羅旺斯的鄉土風情。西裝外套印滿粉藍調嘅矢車菊，配搭同款印花嘅百搭短褲同白色喱士上衣，滲出陣陣柔美氣息，造就剛強女性味。

3.成就休閒渡假旅程 – 波西塔諾

休閒嘅衣著風格正正符合阿瑪菲海岸嘅輕鬆自在氣氛。王君馨所著嘅絲質玫瑰印花連身裙更係Instagram旅遊相集嘅最愛造型！而另一造型以格仔短身上衣配襯半截裙，多種艷麗霓虹色彩以黑色相間，展現出無限活力。

4.洋溢濃厚節慶氣氛 – CAREYES

橫跨大西洋，抵達墨西哥，當地嘅手工鈎織同刺繡細節等工藝包羅萬有。一件黑色貼身連身裙，衣領以霓虹色彩刺繡同層層珠飾交織，形成複雜精細嘅圖案，玩味十足。

5.性感與鮮明個性

黑白間條紋嘅西裝褸配上吊帶背心同高腰長褲，個性鮮明，著上後必定成為全場嘅焦點。

Shoplist :