【復古就是時尚】今個夏天一件頭one piece泳衣玩盡沙灘船P！

又嚟到沙灘船P嘅季節，你覺得乜嘢準備係最重要？除咗係一個防水靚妝之外，泳衣係令你吸晴度提高嘅重要一環。啲男仔成日都話希望聽到句「我買咗件好性感嘅泳衣呀」，但其實句對白都已經十幾年前啦！泳衣要靚唔一定要少布，今年流行嘅係復古感味重嘅一件頭one piece，可以將身體上嘅缺點靜靜雞收埋，就算係是小胸女、粗腰、腳短等問題都有得修飾，著出誘人曲線！當中Speedo就推出咗多款一件頭款式，設計上盡顯心思，仲照顧到唔同身型需要嘅女士，約人游水之前就先鎖定以下介紹嘅精選款式啦！

泳衣唔一定前面嘅事業線先吸引，背部嘅海岸線一樣好睇！Speedo海岸線復古極簡大U露背，長青淨色背上大Ｕ型露背，修飾細節及剪裁仲可以包實贅肉，特顯身體流線型，配埋3款長青淨色，夠晒顯白。

唔想淨色咁悶？呢款拼色連身泳衣或者係你嘅選擇，腰部以vintage紅、白、藍拼色修飾線條，上下兩截顏色，令身體上下比例拉長，特顯長腿。

唔係個個女仔都鍾意同陽光玩遊戲，曬黑咗都唔知要幾多美白霜先補得返，所以呢款長袖連身防曬衣唔止可以保護肌膚，修身設計仲可以遮住手臂byebye肉同腰部贅肉，露得少都可以一樣好睇！

購買點：

Speedo旗艦店：恆豐中心
游泳用品專門店：海運大廈AQUA+、皇室堡AQUA+
Speedo 專櫃：銅鑼灣SOGO 4樓
GigaSports Speedo專櫃：旺角朗豪坊、九龍灣MegaBox、九龍塘又一城、金鐘太古廣場、太古城中心

查詢熱線：2730 4770