衛詩雅《破·地獄》首奪女演員獎 坦言：「感覺會實在啲，信心係高咗嘅。」
第39屆華鼎獎近日在澳門舉行，衛詩雅（Michelle）繼去年憑《不日成婚2》首次獲得香港電影金像獎「最佳女主角」提名後，今年憑電影《破·地獄》榮獲第39屆華鼎獎「華語最佳影視女演員」殊榮。方中信則憑電影《金手指》在第三屆澳淶塢五大洲電影節金莉花獎中摘下「全球最佳男配角」獎項。此外，石修與歐陽震華也受邀出席，擔任「全球最佳男、女配角」及「全球最佳女演員」的頒獎嘉賓。
衛詩雅憑電影《破·地獄》獲華鼎獎「華語最佳影視女演員」
近年屢獲電影獎項提名，這次得獎，Michelle謂自己非常激動，認為無論任何獎項，對她來會都是一個肯定及被看見的機會，「呢個獎對我嚟講太重要啦！對演員嚟講係一個肯定。亦都係提醒人哋：『我仲喺呢行㗎，大家可以搵我演戲。』憑《破·地獄》呢套電影得到嘅獎項即係代表大家好喜歡我哋嘅電影，所以好開心。」問到會否增加來屆金像獎提名的信心，她坦言：「感覺會實在啲，信心係高咗嘅。」
電影《破·地獄》中，Michelle飾演一名救護員，她表示這個角色無論在體能及心理上都有很大發揮，「心理上嘅話就係大家睇過呢套電影就會明白嗰種沉鬱，長時間培養沉鬱嘅情緒，每日同屋企人好多矛盾、好多爭吵，所以嗰段時間係難過嘅；體能上除咗要練一啲儀式上嘅嘢，亦都要人做好多體能體力嘅瞓練，因為角色係一個救護員，自己對呢方面要求比較高，好希望最貼近個角色，所以有嗰一刻開始我每日都去做gym，嗰段時間體能真係幾好，同埋大隻咗好多，經過呢啲瞓練，之後我真係可以『稱」到個人上救護床。」最難忘的是跟許冠文拍攝一幕洗澡戲，令她學到何謂敬業樂業，「Michael神喺戲入面飾演我爸爸，有一場戲係我要幫佢沖涼，我記得拍攝嘅時候係冬天，好凍，所有劇組都擔心，佢反而話：『唔緊要㗎，你哋拍到OK先。』佢為我哋嘅畫面、劇情需要行先，好唔錫身咁樣，我又心痛，覺得好深刻又覺得好犀利，好尊敬佢，喺佢身上面絕對學到乜嘢叫做敬業樂業。」
模特兒出身 首次試鏡即成功
今年39歲的衛詩雅自16歲便開始做模特兒，後經當時公司介紹試鏡《盛裝舞步愛作戰》成功，並對演戲產生興趣。作為大台「偶像劇」《盛裝舞步愛作戰》為她帶來不少人氣，之後便簽約成為英皇娛樂集團女藝人。
曾改藝名 後決定用本名
衛詩雅入行初期以藝名詩雅活動，因為當時歌手衛詩和她名字相似，所以經紀人提議把姓去掉史用詩雅作藝名。不過後來另一藝人連詩雅出道，因此她認為與其使用藝名倒不如用回本名，因此她主動向經紀公司提議並獲採納。
多才多藝 兼職維持生計
在入行初期她並沒有太多工作，因此在空閒時間增值自己，除了在入行前考取專業鑽石鑑定證書，她更考獲輕型貨車牌、船牌、救生員牌、導遊牌、電單車牌、寵物傳心術牌等。此外她也積極發展youtube channel教化妝和拍vlog，形象貼地而吸粉無數。
個性不做作受歡迎
除了考取多個證書增值自己外，她更成為一名YouTuber分享自己的生活，而她不做作和親力親為的個性也令她的頻道擁有大量粉絲。
方中信獲男配角獎爆最驚1事
至於方中信亦表示十分開心，他謂獎項並非屬於他一個人，而是整個拍攝團隊，是大家一起努力的成果。他謂最難忘是一場戲中他被殺後伏屍泳池的拍攝，「我記得拍嗰陣時係冬天，其實都幾凍，我要趴喺水面，啲水喺鼻湧入去，係呢樣嘢辛苦啲，我都着咗潛水衣打底其實都OK嘅，問題不大。導演佢哋都好好，安全措施做得好好，搵咗兩個潛水員喺池底Stand by，放晒啲氧氣樽，好安全，但係要孭住啲鉛帶，因為要做到半浮沉嘅效果，恐懼就冇，因為我都有潛開水。唯一係驚個假髮會甩，哈哈。」
