男女都啱用！ 鞋控 必學收納法

Text| Mabel

屋企愈儲愈多鞋，男男女女都變成 鞋控 點算好？學會善用空間的收納法，便可以令靚鞋排得整整齊齊，可以解決出門前搵唔到鞋的困擾！

現實中

幻想中

一般屋企用開的鞋櫃佔的空間都唔少，香港寸金尺土，屋可能愈搬愈細，但鞋就愈買愈多，想鞋keep得好真係要動動腦筋！

>>想慳位唯有向牆發展～

善用牆壁空間收納法：

更要學偷位大法，如果有角樓、樓梯的話最啱用～

>>唔止牆壁，就連門背都用得？

向高牆發展的收納法，不過只限有踭鞋，也要冒一個鞋踭弄污牆壁的險～

門前放一個，放幾對常著的鞋都唔錯，不過要小心可能會弄花鞋面～

唔上牆，又可以點收收埋埋？掛起一對對又得，不過放boot就有難度！

>>買波鞋買到失控？Keep唔Keep盒好？

今時今日，炒鞋成風，一對波鞋過千已屬普遍，令人困擾的絕對係個鞋盒keep唔keep好？早前大熱嘅超大鞋盒收納箱，靚係靚但佔空間度極高～

棄盒放要整齊的確唔容易，買得儲得波鞋的必定係愛鞋之人，其實一般都會keep鞋盒！

近期唔少人都興起自訂呢類透明鞋盒，唔係為慳位，主要係為方便欣賞加收藏！

要佢哋咁Keep一定唔肯～

慳位同有型之間，你會點樣揀？不過都唔建議將波鞋疊埋放，一來唔太衛生，二來搵起都唔方便！

>>女生要搵鞋，但唔記得放喺邊？

相信係女生都會諗過用貼相認鞋呢一個方法！玻璃鞋櫃都可以睇得一清二楚，不過存放量有限，亦要keep住唔可以亂～

布或尼龍質地的摺疊式鞋盒都好方便，有透明開口位亦容易知道鞋款及顏色！鞋架式的收納，可以固定鞋型免走樣～

床底或者梳化底都可以做流動式的收納法，收藏一般布鞋及平底鞋比較理想！

用文件盒放拖鞋或者涼鞋又得！

學識收納之餘，都要學好保養靚鞋，要注意定期清潔、噴上防水噴霧、入盒要放防潮珠或樟腦餅、保持環境乾爽等，波鞋最好的保養法就係著．多．啲！因為一keep得唔好鞋底好容易變硬兼碎，就連個Air位都可能會爆開～

延伸閱讀：
▲$10洗波鞋 6招變回白鞋Tips　http://goo.gl/ESlUYJ

▲新鞋落地！8招避免磨損腳　http://goo.gl/IN4Zw0

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

More Facebook :https://www.facebook.com/morehk.hk