嚴選8款防蚊、 防蠓 產品! 教埋你DIY製作驅蚊中藥包!!!

Source | 新假期 – 生活
夏天唔只為大地帶來雨水…或者美腿，仲帶來蚊⋯⋯同埋蠓！蚊同蠓簡直係橫行霸道，見到有學生雙腳被蠓咬到腫如豬蹄咁，就知唔 可以掉以輕心。防蚊措施同防蚊產品大家都應該好熟悉，咁防蠓 又如何呢？除了現成購買產品之外，其實仲可以DIY！先介紹8款防蚊、 防蠓 產品，再教大家DIY預防產品。

防蠓 ？ 其實蠓是什麼？

其實蠓類昆蟲有好多種，有些是專門白晝出動吸血，有些就是專門晚間出動。不過大部份都易於在潮濕環境下生長，所以早前香港長期濕度高下，滋生不少蠓在社區。而蠓和蚊相似的地方，除了大家都是吸血為生之外，同樣都可以透過吸血傳播病菌，所以除了防蚊、都要防蠓。

3款防蚊、防蠓 產品

衛生署網站資料顯示，避蚊胺(DEET)係可以有效防蚊嘅成份。不同產品中嘅DEET濃度可能有所不同，但都建議避免使用過高濃度。市面上有好多種 蚊怕水，但可以防蠓嘅又並非好多，購買驅蚊產品時要留意有冇注明驅蠓嘅功效。而我哋發現3M Ultrathon驅蚊膏、歐護防蚊液、尚護健驅蚊貼均清晰標明可以防蠓。

圖片來源：相關機構

圖片來源：相關機構

無避蚊胺（DEET）！3款天然防蚊產品

過高濃度嘅DEET可能會對人體健康有影響，亦唔適合孕婦發嬰兒。所以，市面上亦有一啲由天然植物所製成嘅防蚊產品，不含 DEET。但相信有唔少人最在意嘅未必係防蚊產品嘅成份，而係嗰陣難聞又攻鼻嘅氣味。皆因通常防蚊產品都含有香茅油，所以如果全靠天然植物嘅味道驅蚊，要 做到完全無味就比較難喇。
珮氏驅蚊產品、莫釘我驅蚊產品等都不含DEET，呢類產品以紅茄、蜂蠟等比較無咁攻鼻難聞嘅原材料，好適合小朋友或者頂唔順大氣味嘅人。

圖片來源：相關機構

2款清爽防蚊之選

夏日炎炎，好容易就會流哂汗。為免大汗到沖走蚊怕水，可以以其他產品代替蚊怕水，為人所熟悉嘅有防蚊貼、驅蚊帶。而鮮為人知嘅其實仲有防蚊濕紙巾，可以用嚟抹汗之餘，餘仲有防蚊作用。好處就係可以避免弄污衣物，整潔清爽。

圖片來源：相關機構

天然防蚊法！自製驅蚊中藥包

1. 驅蚊中藥包
WhatsApp近日瘋傳防蚊中藥包，聲稱放喺室內可以防蚊防蠓，助你免受蚊蟲騷擾，一覺瞓天光！將8款藥材混合均勻裝於布 包，即成驅蚊中藥包。有指藥材嘅氣味有助驅趕蚊蠓，而且成分天然。不過唔係每個人都啱用中藥驅蚊，如果本身有鼻敏感或者呼吸道疾病，就要事先問清楚中醫 喇。
中藥防蚊包使用的中藥材包括：
丁香、艾葉、白芷、蘇葉、薄荷、石菖蒲、藿香及金銀花

2. 香茅油
雖然生產商都表明驅蚊產品內嘅DEET含量符合安全標準，但化學物品始終有可能損害人體健康。如果想完全取代化學物品，不妨 利用天然植物或者精油。香茅因有檸檬香氣，故又被稱為檸檬草，有人覺得陣味攻鼻亦有人覺得氣味清新。鍾意香茅氣味的話，可利用香茅驅蚊，亦可以利用精油。 不過，由於天然的精華油較易揮發，所以隔一段時間，當氣味變淡後就要重複噴灑。此外，蚊蟲都好討厭大蒜、大豆油、黑胡椒、薰衣草油、尤加利樹葉、薄荷葉，大家不防自己DIY自製蚊怕水。
3. 橙皮驅蚊包
橙皮嘅香味令人提神同舒暢，但卻係蚊最討厭嘅氣味。將橙皮切絲曬乾，包喺布袋內，即成天然驅蚊包。將佢掛在門邊或窗旁，便可達到驅趕蚊蟲之效。另外，亦可以將曬乾後嘅橙皮放喺鋁罐內點燃，都能夠驅趕蚊蟲，既方便又環保，不過要記得在安全情況下才燃點吧！