美麗有罪 Le Creuset (開箱文)
早幾個月牙痛難當，牙醫建議杜了牙根一勞永逸，無奈是從。
杜了牙根，牙痛止了，卻又非常肉赤，皆因折扣下仍需三千多。
但朋友聽了即說: 「平時你買對鞋閒閒地都幾千啦!! 」
對，買對三千多的鞋絕對不貴，但於我，以三千多杜牙根卻肉赤了好一陣子。
即係話…….每個人的價值觀都有不同，「汝之熊掌，吾之砒霜」，為甚麼要對別人的喜好諸多批評，又或標籤別人，甚至出言侮辱呢!!
前一陣子，網絡上有各方人士都借LC開倉的新聞來「抒發己見」，首先報紙無端將所有買煲人士歸類為「港女」，更有不少網友大肆批評，當中不乏人身攻擊 :
「班師奶買左咪又放上fb哂野，炆牛腩！我又吾信喇！」
「多餘，你煑嘢唔好食，用乜煲都唔好食！買呢D虛榮及貪靚多D！生鐡鑊煑嘢夠好食咯！」
「正白痴。港女本色」
……………….
大部份非用家都認定買Le Creuset是虛榮心作祟，買個靚煲煮出一兩個入得口既餸，然後放上Facebook炫耀一番，便自我感覺良好而已…….
當然人人都有言論自由，可是人家排隊買煲，又無用你錢，無阻你時間…..，關你們甚麼事呢!
而人家買煲是為煮飯，抑或為show off，都是個人自由，為何要出言侮辱呢?
今次開倉最受歡迎的產品之一－沙律碗 $150。
首先，我是用家，可以告訴你－－Le Creuset的確係容易煮得好味啲，因為鑄鐵煲傳熱快而平均，可以最短的時間炆煮食物至腍身，而不會over-cook。
而且就算沒有實際功能，只徒具外表，又有甚麼錯!!
係人都鍾意靚嘢，咁買個靚煲煮飯，心情都好啲，煮得開心啲，然後食都食得開心啲!! 心情好食得開心，自然覺得啲嘢好食啲…….
沒問題呀!!!
至於一眾只懂煮辛辣麵的港男，你們追捧Porsche、 Maserati，其實等同「港女」愛LC，因為對於不懂車的港女，也會覺得日本車同歐洲車咪都係車，點解要咁貴買Porsche啫，…….有技術既，揸咩車都一樣啦…….
BBQ plater $280
