令阿媽感動的一隻糉

就快端午節了！一向好欣賞「糉」這種食物，幾塊葉子包住了一餐飯，亦是最聰明的Fast Food! 實在是充滿智慧的食物。

今年收到家嫂廚房主人、恆興行主理人Macy出品的糉，今日收到今晚立即跟阿媽分享，當作晚餐。用高速煲烚15分鐘、上桌、解開繩子、開動！

「好好味呀！」阿媽大叫。

粒粒分明的糯米、混合了飽滿的天津紅豆，個人喜歡紅豆糉多過綠豆糉，因為正氣啲。

媽：「係我一生人食過最好味的！」

我：「吓？點解呢？」

媽：「因為紥得好好，入口好鬆！紅豆同米粒粒分明！」

前年跟廚師老爺包糉，真係好難！因為包太緊會好實，包唔緊隻糉又散。

我跟媽媽都喜歡吃清淡的，呢隻糉入面只有一點點正宗金華火腿的油香（火腿都要＄19両）、一級越南XL Size咸蛋王，不太多不會吃到濟⋯⋯之後仲有驚喜！裡面有隻南非鮑魚仔！OMG!

有些人是注定成功，因為每件事都做到最好，Macy話：「每樣差少少，效果就不會好。」跟她合作過的人都明白她對自己的要求好高！真係好想推介俾大家，後來發現，只可以一早訂，下年，大家一家要留意恒興行個facebook，不過只會少量製造，明年請早呀～