撰文：Sylvia Liu｜圖片來源：康子妮微博、IG

林曉峰康子妮離婚傳聞？ 與43歲康子妮18年情玩完

阿Lo與康子妮於2002年結婚至今，並育有兩子分別是現年17歲的林寶和現年15歲的林熙，近日他們先在ViuTv參加真人騷《愛我嗎？愛你媽！》，節目中兩人亦有不少恩愛場面，但今日驚有傳媒爆出他們上星期已經簽字離婚。

根據消息指他們於去年已經出現問題，但林曉峰多次挽留卻不成功，最後只可以離婚變場，而且林曉峰IG已經不見對方的身影和合照，只見他慘情與狗狗傷心合照。

林曉峰IG疑回應婚變傳聞並寫道：「我跟康子妮從2001年相識，2002年結婚，大家一直真心為這個家庭付出，正如之前我所有訪問所講，我希望結婚、生小朋友、成立自己的家庭，是康子妮幫我完成我的夢想，是她成全了我。世界仍然紛亂，如果能找到自己開心快樂，所有人都應該好好尋找。無論如何，請用上豁達嘅心胸给予我們空間及時間努力工作。我仍然相信，世界是充滿温暖和盼望，大家應該努力向前，接受未來每一個挑戰！衷心希望大家別忘初衷，祝家庭生活愉悅。」

2016年4月才正式成「家」 林曉峰曾大讚老婆：「為咗成全我，放棄自己的夢想」

2016年4月，康子妮（Lily）同阿Lo（林曉峰）終於有自己的物業，有自己的家。阿Lo話：「多得老婆同我一齊捱，為咗成全我，放棄自己的夢想，去照顧家庭，好感激佢！」當年27歲的康子妮已為林曉峰誕下長子林寶，為了頭家亦不不惜放棄自己的夢想，專心湊仔。

當年大讚老婆「全能」晒恩愛

林曉峰同康子妮結婚16年依然恩愛，林曉峰仲藉住分享近況，隔空大讚老婆：「MaMa,Musician,Artiste,Chours（Chorus）, Beautician, Counseling, all in one !」（集媽媽、音樂家、藝術家、合唱、美容師、輔導員於一身），不過此情不再，照片己經被林曉峰刪走。

被問到：「咁後生就結婚生仔，咪要放棄好多嘢？」康子妮表示：「回想起來覺得有仔趁嫩生的決定非常正確，咁早就要投放所有時間俾個仔，自己要擱置，係咪啱呢？初初都有疑惑過，但依家望番轉頭，好彩我係咁做，如果唔係我同小朋友關係，唔會好似依家咁friend，我仲後生可以陪打波，亦儲夠人生經驗，可以開始事業新一頁。」但沒想到今日兩人已經是離婚收場。

林曉峰康子妮大談育先經

熱愛家庭生活的林曉峰及康子妮 ，早年跟Sundaykiss做訪問中除提及兩個仔的學業，說不在乎他們的成績，學懂做人才是最重。林曉峰 自言教仔方法，繼承了父母。「我教仔方法比較舊式，會鬧得幾勁嘅，因為我carry我阿媽那套教小朋友的方法，屬於『長他人志氣，滅自己威風』那一種，認為做人要謙虛，做得好是應該的，讀書讀得好是應該的，或者讀書唔叻，做事勤力一點是應該的。但我阿爸就較為carefree，他認為唔讀書唔緊要，他會用另一種方法，例如話教你句英文『Hello John,Happy Hour! 在夜總會門口咁講，就可以叫人入去玩』。」始終舊式方法，對現今小朋友未必受落， 林曉峰說自己有時說話說得過份，太太康子妮就會在他失控時，將他與兩個仔分開，讓他冷靜一下。「我知自己太過份，之後會同兩個仔講聲sorry囉!」

父母都是藝人，兩個仔是否遺傳了他們的演藝細胞？ 林曉峰覺得兩個仔都有潛質。「細佬說過要上美國電視台節目，阿哥我看得出他有天分，其實好想做，但又忍住，唔expose出嚟，態度有點似我，例如太太鼓勵我做某一件事，我會說『唔好啦，大把人叻過我。』我大仔都一樣，他會說『我唔得㗎，我實死！』阿哥應該要多點時間自我發掘一下。」

問到兩個兒子的學業成績， 林曉峰 好大反應話：「佢兩個成績好差，講出嚟嚇死人，身邊冇朋友嘅細路成績係咁差，其實我同太太主張小朋友自由發展，不太在乎學校成績，每日返學8-9小時﹐做父母唔應該只關心學術成績，我哋最緊張反而係佢哋有冇禮貌、care唔care別人感受。」對兩個仔學業成績沒要求，此舉卻讓林曉峰康子妮周遭出現不認同的聲音。「所有都話咁係唔得㗎！學校又畀好大壓力，因為學校都有要求、要合格，但我哋唔會特登請假陪佢考試、溫書。」若果子女成績不理想，父母會暫停所有課外活動，他們卻由得兩個仔練羽毛球， 林曉峰 甚至話：「我想停咗返學囉！」

林曉峰康子妮這對非一般父母，不注重學業，更不會因兒子成績不理想，會像一般家長送他們出國讀書。「坦白講我其實係好一般嘅藝人，唔係大家諗到咁風光，做呢行你見我曝光率多，但我嘅人工都唔係話好高，我都係循序漸進，喺外父幫助下，加埋自己儲落，到依家先買到樓。我哋連自己嘅生活都咁擔心嘅時候，仲要送佢哋去外國讀書，談何容易？」

不少父母都有女兒控，但林曉峰康子妮認為兩個仔已經足夠。「如果生第三個，我覺得都會係仔。我覺得現在兩個剛剛好，有時夜晚我會入房抱住兩個仔，同佢哋一齊瞓，如果再有多一個，對兩兄弟會唔fair。我太太也有說過一家四口剛剛好，出街食飯、搭車都方便。」對生第三個，康子妮也有保留，她認為有太多阻撓。「始終香港有很多限制，如唔夠床位、讀書問題等等，但如果生活在加拿大，情況又不一樣，可能依家仲生緊。」

17歲林寶高媽咪及林曉峰成個頭

作為全能藝人嘅林曉峰，同本身係和音歌手嘅康子妮於曾經一家四口樂也融融。林曉峰早前在Facebook分享幾張相片，見到而家已經17歲嘅林寶，原來已經高媽咪成個頭，就連細仔林熙都係！

未有疫情前一家四口行出街，可見兩個仔都牛高馬大，仲高過爸爸！早前到兩公婆帶住兩個仔family day買日用品。

原來康子妮生活絕對不止相夫教子般簡單，14年前淡出幕前工作後的她，期後當了伊健和音跟「友情歲月演唱會」御用樂手、編鋼琴譜做音樂比賽評判、又幫學校編寫校歌拍埋MV、近年更密謀緊推出女子唱作組合，絕對真人不露相。

不過她話最自滿不是個人的音樂事業，而是教得兩個仔乖巧有禮人見人讚，林寶林熙兩個寶貝全程行街跟爸爸媽媽又攬頭攬頸玩到朋友一樣，就看得出在康子妮管教上花了不少心思。

行到首飾店，康子妮忍唔住駐足多看兩眼。

林曉峰隨時留意住老婆喜好同所需，立即加入埋給予意見。

林寶、林熙年紀只差一年、讀同一間國際學校、放假就在教會夾band一個做主音一個彈結他參加崇拜，自然感情好無所不談。

行完商場林曉峰再帶隊去附近樓上鋪買新鞋給一對寶貝仔。

27歲已經結婚做媽媽、十多年來又一直有自己事業沒有脫節，但43歲康子妮依然省鏡又keep得好。

細仔林寶超有明星相

現年17歲嘅林寶擺脫過去一物稚氣，搖身一變成為一個高大靚仔的少年，不少網民都話佢好有明星相！林寶熱愛運動，同爸爸、細佬一樣鍾意打羽毛球，仲俾學校推薦加以特訓，兩兄弟都加入體育學院精英培訓計劃，前途無可限量。

康子妮之前出席活動時，話林寶最近多了一個興趣，就是唱歌同跳舞，更提到如果林寶想加入娛樂圈，爸爸媽媽都一定會支持！